التوبة لله والثقة بالنفس بعد التوبة

 
 
التوبة لله والثقة بالنفس بعد التوبة
الناس اللي بتتوب و ترجع تعصي و تقع
و تقوم تبعد و تقرب دول مش منافقين دي ناس بتجاهد 💙
 
 
 
انت مش وحش مافيش إنسان وحش علي وجه الارض
ربنا خلق كل واحد فينا له ميزة تميزه عن أي حد تاني شكل
أسلوب فكر طريقة او حتي هواية شاطر فيها و بيتميز بيها
 
 
 
 
و لو فيك صفة وحشة مثلا مش عجباك و انت حاسسها انها
غلط تقدر تغيرها ربنا عفو كريم و بيقبل التوبة حتي لو بتبعد
و تقرب مادام لسة عندك إحساس بالذنب ناحية الشئ ده يبقي لسة
فيه أمل انك تتغير و مااترجعش تاني مااتيأسش 💛
 
 
 
 
 
حب نفسك بكل حاجة ربنا خلقها فيك متتغيرش عشان
حد اللي بيحبك بجد هيحبك بكل تفاصيلك الوحش قبل الحلو
ممكن يشوف عيوبك دي مميزات اصلا مش هيحب يشوفك
بتغلط و يسيبك كده لا هينصحك و هيعوز يشوفك احسن مش
هيعايرك بالماضي بالعكس هيساعدك انك تنساه و يقويك إنك تبقي
احسن و يخليك تفتكره بس ك درس مش اكتر 💖
 
 
 
‏ومتزعلش من نفسك في حاجة و توقف حياتك عليها
عيش حياتك و إتغير للأحسن و خليه يكون دافع إنك
تكون أحسن و أحسن و تتعلم
 
 
أنا سمعت جملة قبل كده عجبتني اووي
( متندمش من تصرف انت عملته إمبارح بطريقة تفكير النهاردة )
و الدليل علي كده انك أوقات كتير بعد ما بيحصل الموقف و يخلص
و يعدي خلاص تقول ياارتني قولت كده طب انا ازاي حسيت بكده
 
 
 
فخلي ديما اي موقف درس ليك ترجعله وقت تعبك
و تقارن نفسك مابين زمان و دلوقتي و تفرح إن تفكيرك كبر و اتغير 👌