قاوم شيطانك ببعض الحيل البسيطة

أحد ألاعيب الشيطان المشهورة إنه يخلى
النعم اللى فى حياتك زى دراستك و شغلك
و عيالك و أهلك بدل ما تكون مصدر سعادة
واستمتاع تتحول لمصدر قلق و توتر و عصبية
 
 
فالشيطان يخليك بدل ما تشكر ربنا إن النعم
دى موجودة فى حياتك تبقى متضايق و زهقان منها
 
 
و تلاقى نفسك بتشتكى من صعوبة دراستك
و الضغط اللى عليك فى شغلك و شقاوة عيالك
و مسئولياتك مع أهلك
 
 
مع إن الحاجات اللى إنت بتشتكى منها
دى لو مش موجودة فى حياتك كنت
برضو هتبقى زعلان و متضايق
 
 
و الحل عشان تضيع على الشيطان خطته
درب عينيك تشوف الجمال اللى فى تفاصيل يومك
عشان تعرف تستمتع بها حتى لو فيها بعض المتاعب
 
 
و احتسب أى وقت و مجهود بتبذله فى سبيل
الله و ربنا يتقبل و تلاقيه إن شاء الله كنوز من
الحسنات فى صحيفة أعمالك
 
 
و إحمد ربنا إنك معافى فى صحتك و قادر تدرس
و تشتغل و تقضى مسؤلياتك و مشاغلك
 
 
وافرح بنفسك بأي حاجه حققتها في حياتك
ولو كانت بسيطة، بصحتك ، محبة الناس ليك، أمانك
في منزلك، انظر لجماليات حياتك ولو كانت بسيطة، واشكر الله

 

 

يمكنك الإشتراك فى خدمة من دول يساعدنا نخليك فرحان

 رسائل قرانية

رسالة سعادة

طاقة تفاؤل