الراحة النفسية
بالمصرى

الراحة النفسية

 
 
 
 
 
 
هتسألني عن الراحة النفسية ؟
هقولك انك متشيليش حد فوق طاقته ،
انك متستنزفش حد و تكون ضيف خفيف علي القلوب ، ولوغبت
يفتكروك بكل خير و لو حضرت يكونوا مبسوطين بوجودك 💓
 
 
 
 
 
 
لو لقيت اللي قدامك بيتجنب الاجابة عن سؤال معين ، حاول تتفهم ،
لو لقيت حد بقي كويس دلوقتي و كان وحش زمان بلاش تفكره بماضيه
و ساعده يكون احسن ، القلوب بتتقلب ، فخليك دايما مفتاح لكل خير 💓
 
 
 
 
 
وجوا كل شخص بتقابله فيه جمال بشكل ما ؛ ممكن يكون عارفه
و ممكن مش واخد باله ؛ أول ما تبدأ تبروزله الحاجات اللي تحسسه انه
يستاهل يتحب عشانها ؛ هتلاقيه روحه زهزهت و نورت و طاير من الفرحة
احنا بسطاء جدا بس قليلين اللي بيعرفوا يطبطبوا ع القلوب الايام دي ! 💓
 
 
 
 
 
 
ومحدش طلب منك تكون سوبر مان او كامل الاوصاف عشان تتحب ؛
يكفيك انك تحب نفسك و تتقبلها و تكون انت طول الوقت بغض النظر
عن الناس هيقولوا ايه ؛ ساعتها هترتاح و ابواب القلوب هتتفتحلك 💓
 
 
 
 
 
ربنا ينورلك فرحة كانت مطفية في العيون و جبر خواطر
مكانش في الحسبان و فرج جميل بعد ضيقة ، و رزق طيب
في معاده يبقي زي البلسم علي قلبك و يهدي حيرتك في عز التوهة
للطريق و ويطمنك بعد خوف و نفس هادي مريح بعد اضطراب و ضحكة
صافية تعكس نقاء روحك اللى تستاهل كل خير و سعادة ~
 
 
 
mohtorky
 
 
 
 
 
 
 
 
يمكنك الإشتراك فى خدمة من دول يساعدنا نخليك فرحان
 

 

 

 

الراحة النفسية
Click to comment

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *

المواضيع الشائعة

To Top