كلمات لكل قلب طيب وجميل

 
 
 
حلوة الناس اللي بتعرف تبروز كل حاجة حلوة
تشوفها و تقدرها صح ؛ الناس اللي عينيهم حلوة
و بيشوفوا في الناس كل جميل دايما 🌸
 
 
 
 
جوة كل واحد فينا كلام مبيتقالش ، ذكريات مبتتحكيش لحد ،
أحلام حلوة ، وشغف وطاقة و تصميم و ارادة و حب لانك تكون
أحسن كل يوم ؛ بس مش كل الناس ممكن تطلع أحسن حاجة فيك
فيوم ما تلاقي اللي قدامك بيقولك اسراره و بيشاركك تفاصيل
حياته و بيبقي مبسوط في وجودك وبيرتاحلك، ما تخذلوش 🌸
 
 
 
 
 
عارف لو قلت الكلام من قلبك فعلا ؟ هيتفهم و هيوصل وهيتقدر
وهيتحب وهيبقي كأن عليه ختم بتاعك لوحدك مميز و ملوش زي ؛
انما لو تصنعت مشاعرك و محسستش كل شخص بتكلمه انه اهم حد
في حياتك في وقت الكلام ؛ معتقدش مهما كتبت كلام هيتحس أبدا ؛
زي ما تحب تتعامل عامل الناس ؛ هتفرق كتير يا صديقي 💜
 
 
 
 
 
وإعرف إن كل الناس بتحب انها تتحب !
بس كل حد ليه لغة حب مختلفة بتفرق معاه اكتر من غيرها ؛
فيه ناس بتحب تسمع كلام حلو ، ناس لغة حبها الهدايا و العزومات،
ناس لغة حبها الطبطبة و الحضن و الحنية ، ناس لغة حبهم بتكون معنوية
اكتر منها مادية ، لو عرفت لغة حب اللي قدامك قلبه و مفتاحه هيبقي ملك ايديك😍
 
 
 
 
 
وإعرف إنها نوايا يا صديقي ؛ كل ما صفيت نيتك كل ما هتلاقيها بتتفتح في
وشك من حيث لا تدري ، فكرة انه عشان المجتمع فيه ناس وحشة فانت
تبقي وحش زيهم دي فكرة مش صح أبدا ؛ خليك بنقاءك المعهود دايماعشان
كل حد جواه عملة نادرة لو دورنا عليها في كل حتة مش هنلاقيها غير عنده
حافظ علي كنزك 💙
 
 
 
 
وقبل الختام جاهد ألا تنطفئ يا صديقي , فلرُبّما
كنت أنت نقطة النور الوحيدة في قلب أحدهم 😉
 
 
mohtorky
 
 
يمكنك الإشتراك فى خدمة من دول يساعدنا نخليك فرحان