كلمات السعادة لقلبك من الله

 
 
 
 
 
كل ما تفتكر إنك إتحرمت
من حاجة بدون سبب وإتالمت 
إفتكر سيدنا موسى الطفل الرضيع 
لما ربنا حرم عليه كل المرضعات علشان 
يجعل الحرمان ده سبب فى إنه يرجع لأمه ❤️
 
 
 
إفتكر دايماً إنك ربما هتتحرم وإتحرمت من شئ 
علشان قلبك وحياتك رايحن لشئ أجمل , عمره ما كان 
هيجيلك إلا عن طريق الشئ اللى أتحرمت منه 😮😍
 
فـ كثيراً يكون منع الله ﷻ لك عن اللى بتتمناه هو أجمل 
عطاء بسببه هتوصل لأجمل وأكثر مما كُنت تُريد 😍
 
 
وَحَرَّمْنَا عَلَيْهِ الْمَرَاضِعَ مِن قَبْلُ فَقَالَتْ هَلْ أَدُلُّكُمْ عَلَىٰ أَهْلِ بَيْتٍ يَكْفُلُونَهُ
لَكُمْ وَهُمْ لَهُ نَاصِحُونَ (12) فَرَدَدْنَاهُ إِلَىٰ أُمِّهِ كَيْ تَقَرَّ عَيْنُهَا وَلَا تَحْزَنَ 
وَلِتَعْلَمَ أَنَّ وَعْدَ اللَّهِ حَقٌّ وَلَٰكِنَّ أَكْثَرَهُمْ لَا يَعْلَمُونَ (13) القصص 
 
 
 
إفتكر إن الشئ اللى
بيأذيك حالياً ومالى قلبك بالخوف
يمكن يكون هو نفسه الشئ اللى ربنا هيجعله
مصدر سعادتك الفترة اللىى جاية كلها ❤️❤️
 
 
 
أم سيدنا موسى ألقت أبنها فى النيل بعد ما ربنا أمرها بكده
وهى خايفة من مصيرة ولكن جواها يقين بأن ربنا هيردهولها
 
 
 
فلم يخذلها الله , وحماه وهو رضيع فى صندوق خشبى فى نهر النيل
وجعل فرعون وأمرأته يحبوه حب شديد ثم حرم عليه كل المراضع فلم يقبل
أن يرضع من أى أمراة ومن خوفهم عليه من الموت قبلوا إسترضاع مُرضعه
اللى فى النهاية كانت المرضعة الوحيدة اللى قبل صدرها كانت أمه ❤️
 
 
 
ويكون ده سبب رجوعه تانى لحضن
أم موسى بدون ما يصيبه أى مكروه ❤️
 
 
 
ثم حماه من قصر فرعون وجعله
من الأنبياء المُرسلين وكان سبب فى
القضاء على فرعون وتخليص العالم منه ❤️
 
 
 
عاوزك تزيد يقينك فى ربنا مع أي ظرف
صعب بيحصلك أو أى شئ بيروح من أيدك
وتحس إن ربنا بيخاطب قلبك وبيقولك زى ما قال
لأم موسى ” وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ ” ~ ❤️
 
 
 
وإن مهما الأيام عدت والسنين مرت هيجيلك يوم تعيش فيه اللحظة دي
فَرَدَدْنَاهُ إِلَىٰ أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ ~ ❤️
 
 
 
فـ إياك أن تيأس يا صديقى
الغايب ممكن يعود فى صورة أجمل
وصباح الخير على قلبك الطيب اللى زى السكر
 
 
 
 
 
 
 
 
 
يمكنك الإشتراك فى خدمة من دول يساعدنا نخليك فرحان