لا تتوقف عن مطاردة أحلامك
الرئيسية

لا تتوقف عن مطاردة أحلامك

 
 
 
 
الامام أحمد بن حنبل إتسجن لمدة سنتين ونصف
رغم إنه علي حق، وكان ممكن يخرج من سجنه بمجرد
إنه يقول كلام ميرضيش ربنا ويشهد بالشهاده اللي تعجب اللي سجنوه،
 
 
 
 
 
 
 
والإمام أحمد كان بيقول أنا لا خايف من السجن ولا من الموت،
لكني خايف يجلدوني ومن كُتر ضربهم أضعف وأقول اللي علي هواهم،
وكان وقتها معاه في نفس الزنزانه راجل حرامي.. بيقطع الطُرق ويهجم علي البيوت يسرقها..
 
 
 
 
 
 
 
فقال للإمام أحمد: يا إمام لو إنت راجعت صحيفتي عند الجلادين
هتلاقيني إتجلدت ٨٠٠٠ جلده علي فترات،! وبرضه مبطلتش سِرقه
 
 
 
 
 
 
 
رغم إني علي باطل إتحملت، وإنت يا إمام علي حق
فإوعي تضعف أو تقول كلمه مترضيش ربك، وفعلاً إتجلد
الإمام ٥٠ جلده ينيموا فيل زي ما قال اللي جلده، ومضعفش
ولا إنكسر ولا نطق بكلمه تغضب الله، وخرج بعدها من سجنه
وربنا نصره ورفع مقامه وشأنه وعاقب اللي أذوه أشد عقاب.
 
 
 
 
 
 
 
-إوعي تنطفي.. مهما تجلدك الايام متتخلاش عن حلمك،
عن حُبك، عن طموحك.. هتنكسر جايز.. هتخسر إحتمال..
عود البُخور لما يتحرق بتخرج منه الريحه الطيبه، فخلي المرار
اللي دوقته يطلع الحلو اللي فيك.. خانك صديق، هجرك حبيب،
خسرت شُغل، فلوس، أي حاجه..
 
 
 
 
 
 
إثبت وهتتعوض.. خليك زي النخل واقف وباصص للسما مبتنحنيش،
ولو عملت ذنب متسلمش نفسك للشيطان ولا تيأس من رحمة الله،
 
 
 
 
 
 
وطبيعي الإنسان يقع المُهم ميفضلش علي الأرض
إعتبر الكلام ده مكتوبلك.. رساله ربانيه بتقولك هانت، شِده وتزول،
وكُله بيعدي.. الله المُستعان هيعينك ويقويك مادام قررت متيأسش أو تجبت ورا.
 
 
 
 
لـــ أحمد أيمن
 
 
 
 
 
يمكنك الإشتراك فى خدمة من دول يساعدنا نخليك فرحان
 

رسائل قرانية

رسالة سعادة

طاقة تفاؤل

 

 

 

لا تتوقف عن مطاردة أحلامك
Click to comment

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *

المواضيع الشائعة

To Top